Bir yil ichida yarim million dollarlik eksport: “WORLD MMM” natijalari taqdim etildi

Raqamli texnologiyalar vaziri Sherzod Shermatov Samarqand viloyatiga tashrifi doirasida logistika yo‘nalishida faoliyat yuritib, masofadan turib xizmatlar eksportini amalga oshirayotgan IT Park rezidenti – “WORLD MMM” MCHJ faoliyati bilan yaqindan tanishdi.

Tashrif davomida korxona rahbariyati bilan so‘nggi yillarda raqamli iqtisodiyot va eksportga yo‘naltirilgan xizmatlar sohasida amalga oshirilayotgan islohotlar, tadbirkorlik subyektlariga taqdim etilayotgan imtiyozlar hamda eksport hajmini yanada oshirish uchun zarur bo‘lgan chora-tadbirlar yuzasidan batafsil fikr almashildi.

Ma’lumot uchun: “WORLD MMM” MCHJ 2024-yil oxirida tashkil etilgan bo‘lib, uning faoliyati vazirlikning Samarqand viloyati hududiy boshqarmasi tomonidan AQSHga amalga oshirilgan ishchi tashrif davomida erishilgan kelishuvlar asosida yo‘lga qo‘yilgan.

Bugungi kunda korxonada 50 nafarga yaqin xodim faoliyat yuritmoqda. Joriy yilning 9 oyi davomida kompaniya tomonidan qariyb 500 ming AQSH dollari miqdorida eksport xizmatlari ko‘rsatildi.

Yaratilgan vaqt: 26.11.2025

Ko‘rishlar soni: 19